სამართლიანად ჩატარდა თუ არა არჩევნები
საქართველოს თავდაცვის სამინისტრო სამხედრო მოსამსახურეებს, უწყებაში დასაქმებულ სამოქალაქო პირებსა და მათი ოჯახის წევრებს ახალ სოციალური სახის შეღავათებს სთავაზობს
30-12-2025
კულტურულ-შემეცნებითი განვითარების ხელშეწყობის, საგანმანათლებლო და სპორტულ-გამაჯანსაღებელ სერვისებზე ხელმისაწვდომობის გაუმჯობესების მიზნით თავდაცვის სამინისტრომ ურთიერთთანამშრომლობის მემორანდუმები გააფორმა. ინფორმაციას თავდაცვის სამინისტრო ავრცელებს.
დოკუმენტებს ხელი თავდაცვის მინისტრის მოადგილემ პაატა პატიაშვილმა და ორგანიზაციების წარმომადგენლებმა მოაწერეს. მემორანდუმების ფარგლებში, სამხედრო მოსამსახურეებს, უწყებაში დასაქმებულ სამოქალაქო პირებსა და მათი ოჯახის წევრებს შესაძლებლობა ექნებათ შეთავაზებულ სერვისებზე შეღავათიანი პირობებით ისარგებლონ.
მემორანდუმი გაფორმდა თავდაცვის სამინისტროსა და ქართული ხალხური ცეკვის ანსამბლ „მამულიშვილთან“, ა(ა)იპ „პასკალი“ რობოტექნიკისა და ელექტროობის სასწავლებელთან, „კემბრიჯ ედუქეიშენ ჰაუსთან“, რეაბილიტაციის ცენტრ „ნაიოსთან“ და ანაკლიაში სასტუმრო „თეთრი სახლთან“.
მემორანდუმის ფარგლებში, სამხედრო მოსამსახურეებს, უწყებაში დასაქმებულ სამოქალაქო პირებსა და მათი ოჯახის წევრებს, საშუალება ეძლევათ შეღავათიანი პირობებით ისარგებლონ აღნიშნული კომპანიების მომსახურებით.
