სამართლიანად ჩატარდა თუ არა არჩევნები
კერძო სექტორის მხარდასაჭერად წელს ტურიზმის ეროვნულმა ადმინისტრაციამ ტრენინგები და საქმიანი შეხვედრები გამართა
30-12-2025
საქართველოს ტურიზმის ეროვნულმა ადმინისტრაციამ, საერთაშორისო კომპანიებთან თანამშრომლობით, წელს, ქართული კერძო სექტორის წარმომადგენლებისთვის ღონისძიებები მოაწყო.
ტურიზმის ეროვნულმა ადმინისტრაციამ საერთაშორისო მარკეტინგულ კომპანია Dragon Trail International-თან თანამშრომლობის ფარგლებში, აზიურ ბაზრებზე, “China Ready” პროგრამის მიხედვით, კერძო სექტორის წარმომადგენლებისთვის ტრენინგები ჩაატარა.
ადმინისტრაციის ორგანიზებით, კერძო სექტორისთვის გაიმართა British Airways-ის პრეზენტაცია და ღვინის ტურიზმის ღონისძიებები, რაც ხელს უწყობს საქართველოს ტურისტული პოტენციალის წარმოჩენას საერთაშორისო ბაზრებზე.
ტექნოლოგიური ინოვაციების მიმართულებით, ტურიზმის ეროვნული ადმინისტრაციის მხარდაჭერით Global Tech Weekend Tbilisi ღონისძიება მოეწყო, სადაც მონაწილეები ტურიზმის ტექნოლოგიებსა და ინოვაციებს გაეცნენ.
საქართველოს ტურიზმის ეროვნული ადმინისტრაციამ სამუშაო შეხვედრები გამართა ევროპის, ამერიკის, აზიის ქვეყნების ტურისტული კომპანიების წარმომადგენლებთან, შეხვედრას ადმინისტრაციის ბაზაში რეგისტრირებული 250-ზე მეტი ქართული კომპანიის წარმომადგენელი დაესწრო. შეხვედრებზე პარტნიორული ურთიერთობების დამყარებისა და სამომავლო თანამშრომლობის საკითხები განიხილეს.
