სამართლიანად ჩატარდა თუ არა არჩევნები
დაგროვებითი პენსიის შესახებ გორში შეხვედრა გაიმართა
4-12-2018
მომავალი წლიდან ხელისუფლება დაგროვებით საპენსიო სისტემაზე გადასვლას აპირებს. არსებული პროექტის თანახმად, საპენსიო ფონდში, დასაქმებულის პერსონალურ საპენსიო ანგარიშზე მისი ხელფასის 6% გადაირიცხება:
"თუ ადამიანს რეფორმამდე ჰქონდა 1000 ლარი ხელფასი და ხელზე იღებდა 800 ლარს, რეფორმის შემდეგ აიღებს 784 ლარს. 2%-ს ფონდში სახელმწიფო ჩარიცხავს, 2%-ს - თავად დასაქმებული და 2%-ს დამსაქმებელი," - განაცხადა საპენსიო ფონდის დირექტორის მოადგილემ გიორგი ჭიჭინაძემ.
საპენსიო რეფორმის აუცილებლობას ხელისუფლება ორი არგუმენტით ხსნის: ამ გზით პენსიონერი უფრო ღირსეულ პენსიას მიიღებს და უზრუნველი სიბერე ექნება და ტვირთი სახელმწიფო ბიუჯეტსაც შეუმსუბუქდება.
არის თუ არა დაგროვებითი საპენსიო სისტემა უზრუნველი სიბერის გარანტია, ამის შესახებ ადგილობრივი ორგანიზაციების წარმომადგენლებთან გიორგი ჭიჭინაძემ ისაუბრა.
