სამართლიანად ჩატარდა თუ არა არჩევნები
გარემოსდაცვითი ინფორმაციისა და განათლების ცენტრსა და საქართველოს საპატრიარქოს დეკორატიული მებაღეობის საზოგადოებრივ კოლეჯს შორის თანამშრომლობის ფარგლებში გარემოსდაცვით საკითხებზე ლექცია-სემინარების ციკლი დაიწყო
18-06-2026
მიმდინარე წლის 15 ივნისიდან 20 ივლისის ჩათვლით, საპატრიარქოს დეკორატიული მებაღეობის საზოგადოებრივი კოლეჯის სტუდენტებისთვის გარემოსდაცვითი მიმართულების ლექცია-სემინარები ჩატარდება.
ინიციატივის მიზანია გარემოსდაცვითი განათლების ხელშეწყობა, ცნობიერების ამაღლება და მონაწილეთათვის თანამედროვე გარემოსდაცვითი გამოწვევებისა და მათი გადაჭრის გზების შესახებ ცოდნის გაღრმავება. ლექცია-სემინარები დაეხმარება საპატრიარქოს კოლეჯის სტუდენტებ, როგორც თეორიული ცოდნის მიღებაში, ისე მიღებული ცოდნის პრაქტიკულ გამოყენებაში.
სასწავლო პროგრამა მოიცავს ატმოსფერული ჰაერის დაცვის საკითხებს, ჰაერის დაბინძურების გამომწვევ მიზეზებსა და მის გავლენას ადამიანის ჯანმრთელობასა და გარემოზე. განსაკუთრებული ყურადღება ეთმობა ბიომრავალფეროვნების მნიშვნელობას, საქართველოს წითელ ნუსხასა და წითელ წიგნში შეტანილი სახეობების დაცვის აუცილებლობას.
