მარნეულში 40 ჰექტარი სასოფლო-სამეურნეო მიწის ფართობი სრულად მოირწყვება

5-08-2026

გარემოს დაცვისა და სოფლის მეურნეობის სამინისტროს შპს „საქართველოს მელიორაციამ“ მარნეულის მუნიციპალიტეტში მდებარე მეგობრობის არხზე ახალი წყალგამანაწილებელი კვანძი მოაწყო, რაც რეგიონში სასოფლო-სამეურნეო საქმიანობის ეფექტიანობას მნიშვნელოვნად გაზრდის.

შედეგად, 40 ჰექტარი სასოფლო-სამეურნეო მიწის ფართობი სრულად მოირწყვება და 30-მდე ადგილობრივ აბონენტს სარწყავი წყლის მიწოდების პროცესი გაუუმჯობესდება.

მოწესრიგდა კვანძამდე მისასვლელი გზაც, რაც პერსონალისა და ტექნიკის შეუფერხებელ გადაადგილებას უზრუნველყოფს.
შპს „საქართველოს მელიორაცია“ აქტიურად აგრძელებს რეგიონებში ინფრასტრუქტურის განახლებას და ფერმერთა მხარდაჭერას.