ელექტრონული ტენდერები 8 ერთეული უახლესი ავტომანქანის შესყიდვისთვის ცენტრალურმა საარჩევნო კომისიამ 2017 წლის 11 და 12 დეკემბერს გამოაცხადა. ტენდერებში მონაწილეობის მსურველთა წინადადებების წარდგენა 19 დეკემბრიდან და 25 დეკემბრამდე პერიოდში იწარმოებს. სავალდებულოა, რომ ტენდერში მონაწილე ნებისმიერ პრეტენდენტს 2015 წლიდან გააჩნდეს მსგავსი ტიპის ავტომანქანების მიწოდების გამოცდილება. 

1 მაღალი გამავლობის „ჯიპის“ შესყიდვის ღირებულება საშუალოდ 44 850 ლარს, მიკროავტობუსისა - 93 490 ლარს, 1 „სედანისა“ კი 40 600 ლარს შეადგენს. ავტომანქანების ცესკო-სათვის მიწოდება ტენდერში გამარჯვებულმა კომპანიამ 2017 წლის 31 დეკემბრამდე უნდა მოახდინოს. 

სატენდერო პირობების მიხედვით, ყველა ავტომანქანა უნდა იყოს 2017 წელს გამოშვებული, ექსპლუატაციაში არმყოფი, განბაჟბული, მარცხენასაჭიანი. 

წყარო: "გურიის მოამბე"