თელავში ბუნებრივი აირით ორი ადამიანი მოიწამლა

27-02-2019

თელავში, კავკასიონის ქუჩაზე, ერთ-ერთი საცხოვრებელი კორპუსში სავარაუდოდ, ბუნებრივი აირის ნამწვით 17 წლის გოგონა და ბებია მოიწამლნენ. სამაშველო სამსახურმა ბინაში შეღწევა აივნიდან, სპეციალური ტექნიკით შეძლო.

ისინი თელავის რეფერალურ საავადმყოფოში გადაიყვანეს. ექიმების თქმით, მათ სიცოცხლეს საფრთხე არ ემუქრება.

ინტოქსიკაციის სავარაუდო მიზეზი, წყლის გამაცხელებლიდან ბუნებრივი აირის გაჟონვაა.