სამართლიანად ჩატარდა თუ არა არჩევნები
ბათუმის მე-3 პენიტენციური დაწესებულების პატიმრები არასათანადო პირობებს უჩივიან
4-05-2019
ბათუმის მე-3 პენიტენციურ დაწესებულებაში პატიმრები არასათანადო პირობებისა და უფლებების დარღვევის ფაქტების გამო ჩივიან.
17 მსჯავრდებულის მიერ შედგენილ საჩივარში საუბარია იმაზე, რომ ადმინისტრაციის მხრიდან მათ მიერ მუქარას სისტემატური ხასიათი აქვს.
პატიმართა თქმით, პრეტენზიების დაფიქსირების შემდეგ ისინი მუქარის მსხვერპლი გახდნენ.
ადვოკატის, კახაბერ სინჯიაშვილის თქმით, ეს არის ერთგვარი ანგარიშსწორება იმისა, რომ ვინაიდან მსჯავრდებულები არ დაემორჩილნენ მათ მითითებას, დაიწყეს მათ მიმართ გამოძიება.
სპეციალურმა პენიტენციურმა სამსახურმა გამოაქვეყნა წერილი. უწყება ყველა ბრალდებას უარყოფს.
აჭარის უმაღლესი საბჭოს ადამიანის უფლებათა დაცვის კომიტეტის ხელმძღვანელის, ცოტნე ანანიძის თქმით, საპატიმროში ინფრასტრუქტურული პრობლემები ეტაპობრივად გვარდება.
საჩივარში მოყვანილ ფაქტებს სახალხო დამცველის აპარატი შეისწავლის.
