გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    სექტემბერი 2019    »
 1
2345678
9101112131415
16171819202122
23242526272829
30 

ეროვნული სამოსის დღე სენაკში კულტურის ცენტრის მიერ ორგანიზებული საღამოთი დასრულდა

19-05-2019

სენაკში ეროვნული სამოსის დღე აღნიშნეს, რომელიც კოსტუმირებული მსვლელობით დაიწყო. მსვლელობაში მონაწილეობა მიიღეს ნაციონალურ, ქართულ სამოსში გამოწყობილმა, სენაკში მოქმედმა ქორეოგრაფიულმა ანსამბლებმა - ,,კუჩხიბედინერი", ,,კოლხი", ,,ოცნება", ,,ლილე", ,,ეგრისი", ,,მეკვლე", ,,მართვე", მუნიციპალიტეტის სკოლამდელი სექტორის აღსაზრდელებმა, მართლმადიდებლური სკოლა-გიმნაზიისა და საზოგადოების წარმომადგენლებმა.


კოსტუმირებული აღლუმის დასრულების შემდეგ მონაწილეები ქალაქის ცენტრალური მოედნისკენ გაემართნენ, სადაც ადგილობრივი ქორეოგრაფიული ანსამბლებისა და ,,კოლხური ტრიოს" მონაწილეობით საზეიმო კონცერტი გაიმართა.


ეროვნული სამოსის დღე სენაკში მოსწავლე-ახალგაზრდობისა და კულტურის ცენტრის მიერ ორგანიზებულმა საღამომ დაასრულა.


სამხატვრო გალერეის საგამოფენო დარბაზში წარმოდგენილი საქართველოს სხვადასხვა კუთხის სამოსი, ისტორიის გაცოცხლება ქორეოგრაფიული შტრიხებით, ხელოვანთა ნამუშევრების გამოფენა - კიდევ ერთხელ იყო შეხსენება იმისა, თუ ,,ვისი გორისანი ვართ"" და როგორი თავდადება გვმართებს ჩვენი ტრადიციების, სულიერი და ეროვნული ღირებულებების დასაცავად.


ეროვნული სამოსის დღისადმი მიძღვნილ ღონისძიებებს საქართველოს პარლამენტის წევრი, სენაკის მაჟორიტარი დეპუტატი ირაკლი ბერაია, სენაკის მუნიციპალიტეტის მერი ლევან კუპრეიშვილი, მერის პირველი მოადგილე გრიგოლ ბაღათურია, მერის მოადგილე კახაბერ კუპრეიშვილი და ადგილობრივი თვითმმართველობის წარმომადგენლები დაესწრნენ.


დღესასწაულმა, რომელიც საქართველოში უკვე მეოთხე წელია აღინიშნება, წელს განსაკუთრებული მასშტაბები შეიძინა. ის საქართველოს 30-ზე მეტ ქალაქში გაიმართა, მათ შორის, სენაკში.