სამართლიანად ჩატარდა თუ არა არჩევნები
დღეს გაირკვევა შეძლებს თუ არა ბათუმი ევროპის მზარდი ტურისტული მიმართულების ტიტულის მოპოვებას
8-06-2019
რამდენიმე საათში გაირკვევა შეძლებს თუ არა ბათუმი ევროპის მზარდი ტურისტული მიმართულების ტიტულის მოპოვებას.
„World Travel Awards“-ის ჯილდოზე ბათუმი პირველადაა წარდგენილი. მისი კონკურენტები არიან ქალაქები: სოფია, მატერა, ბაქო , ლუბლიანა, კუტნა ჰორა, მოსტარი და დერი.
ბათუმისთვის ხმის მიცემა ნებისმიერ მსურველს 28 აპრილის ჩათვლით ღონისძიების ოფიციალურ საიტზე შეეძლო.
„World Travel Awards“-ის დაჯილდოების ცერემონია პორტუგალიაში, კუნძულ მადეირაზე 23 საათზე დაიწყება.
ცერემონიაზე, რომელიც მსოფლიოს წამყვანი მედიასაშუალებების ყურადღების ცენტრში ექცევა, საუკეთესო ტურისტულ მიმართულებებსა და ქვეყნებს დაასახელებენ.
World Travel Awards-ის ღონისძიება 1993 წლიდან ტარდება. დაჯილდოებაზე ასობით ნომინაცია და ათასობით ნომინანტი კონტინენტებისა და ქვეყნების მიხედვით სხვადასხვა კატეგორიებშია გადანაწილებული.
პორტუგალიაში იმყოფება აჭარის სამთავრობო დელეგაცია.
