სამართლიანად ჩატარდა თუ არა არჩევნები
შეკვეთილში ქვიშის ფეხბურთის ჩემპიონატს უმასპინძლებენ
14-06-2019
შეკვეთილში ქვიშის ფეხბურთში საქართველოს მე-6 ეროვნული ჩემპიონატის პირველი ეტაპი ჩატარდება.
მატჩები 21-23 ივნისს გაიმართება. ორგანიზატორები საქართველოს ფეხბურთის ფედერაცია, ქართული ფეხბურთის განვითარების ფონდი და აჭარის ფეხბურთის ფედერაცია არიან.
პირველობისთვის რვა გუნდი იბრძოლებს. ჩემპიონატი სამი ეტაპისგან შედგება. ჩემპიონი და ვიცე-ჩემპიონი საქართველოს 2020 წლის ევროპის ჩემპიონთა საკლუბო თასზე წარადგენენ.
ეროვნული ჩემპიონატის პირველი ეტაპის დასრულების შემდეგ, ტურნირის საუკეთესო მოთამაშეებით საქართველოს ეროვნული ნაკრები დაკომპლექტდება, რომელიც 5-7 ივლისს პორტუგალიის ქალაქ ნაზარეში ევროპის ჩემპიონატზე ითამაშებს. ჩვენი გუნდის მეტოქეები დანიის, ბულგარეთისა და ნორვეგიის ეროვნული ნაკრებები იქნებიან.
საქართველოს მე-6 ეროვნული ჩემპიონატში მონაწილეობენ თბილისის UG, თელავის კახეთი, ოზურგეთის შევარდენი, ბათუმის ბსუ, ფოთის ჭაბონამა, ბათუმის საზღვაო აკადემია, ბათუმის დინამო და ქუთაისი.
