სამართლიანად ჩატარდა თუ არა არჩევნები
ქუთაისში ელექტრომობილების პრეზენტაციის შემდეგ დაგეგმილი კონცერტი მეუფე კალისტრატეს გარდაცვალების გამო აღარ ჩატარდება
20-06-2019
ელექტრომობილების პრეზენტაციის შემდეგ დაგეგმილი კონცერტი ქუთაისში აღარ ჩატარდება. კონცერტის ჩაშლის მიზეზი ქუთათელ-გაენათელი მიტროპილიტის მეუფე კალისტრატეს გარდაცვალებაა. ღონისძიებაზე მხოლოდ ელექტრომობილების პრეზენტაცია გაიმართება.
პროგრამის მიხედვით, ოფიციალური ნაწილის დასრულების შემდეგ გრანდიოზული კონცერტი და ელექტრონული მუსიკის საღამო იგეგმებოდა.
პროექტის თანახმად, ინდუსტრიული ჯგუფი „აიგრუპი“ (Aigroup) ქუთაისში 100 ჰა ფართობის ტერიტორიაზე წლის ბოლომდე ელექტრომობილების საწარმოს ააშენებს. ქარხანაში დაახლოებით 300 ადგილობრივი მცხოვრები დასაქმდება და მისი ამოქმედებიდან 18 თვის ვადაში ბაზარზე 5000 ელექტრომობილი გამოვა.
ქუთათელ-გაენათელი მიტროპოლიტი მეუფე კალისტრატე დღეს დილით კლინიკაში გარდაიცვალა. მეუფე ქუთაისის ინტერვენციული მედიცინის ცენტრში უგონო მდგომარეობაში იმყოფებოდა. 10 დღის წინ მან მძიმე ოპერაცია გადაიტანა.
