გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მარტი 2024    »
 123
45678910
11121314151617
18192021222324
25262728293031

პრემიერი: ძალადობაზე ორიენტირებული ძალა ცდილობს, გულწრფელი პროტესტი პროვოკაციისთვის გამოიყენოს

21-06-2019

მსურს, მივმართო საზოგადოებას, რადგან მეც ვარ საზოგადოების ნაწილი და ჩემთვისაც ეს ყველაფერი ისევე მიუღებელი იყო, როგორც თითოეული თქვენგანისთვის და ბუნებრივია, ამას შესაბამისი პასუხი გაეცემა, თუმცა, ის ფაქტი, რასაც დღეს თვალს ვადევნებთ, არის იმის მაგალითი, რომ საქმე გვაქვს პროვოკაციასთან, - ამის შესახებ საქართველოს პრემიერ-მინისტრმა მამუკა ბახტაძემ პარლამენტთან განვითარებულ მოვლენებთან დაკავშირებით განაცხადა.

მთავრობის მეთაურმა აღნიშნა, რომ ქართულმა საზოგადოებამ და სახელმწიფომ უპასუხისმგებლო პოლიტიკურ ძალას პროვოკაციის საშუალება არ უნდა მისცეს და არც მისცემს.
„მსურს, მივმართო საზოგადოებას. დიახ, მეგობრებო, თქვენი პროტესტი სამართლიანია და მე თქვენს გვერდით ვარ ამ პროტესტში, მაგრამ ამავდროულად, ეს უპასუხისმგებლო, ძალადობაზე ორიენტირებული პოლიტიკური ძალა ცდილობს, ეს გამოიყენოს პროვოკაციის წყაროდ.

ბუნებრივია, ქართულმა საზოგადოებამ, ქართულმა სახელმწიფომ მათ ამის საშუალება არ უნდა მისცეს და არც მისცემს. კიდევ ერთხელ მოვუწოდებ ახალგაზრდებს, მეგობრებო, ჩემო კარგებო, მე ვარ თქვენს გვერდით და თქვენი პროტესტი არის სამართლიანი. ამავე დროს, თითოეული თქვენგანი ადევნებს თვალ-ყურს, როგორ ცდილობენ, თქვენი სამართლიანი პროტესტი თავიანთი პროვოკაციებისთვის გამოიყენონ“, - განაცხადა პრემიერ-მინისტრმა.