წიწამური-საგურამო-ცხვარიჭამიას საავტომობილო გზაზე 11 კმ-მდე გზის რეაბილიტაცია მიმდინარეობს

4-07-2019

საავტომობილო გზების დეპარტამენტის ინფორმაციით, შიდასახელმწიფოებრივი მნიშვნელობის წიწამური-საგურამო-ცხვარიჭამიას საავტომობილო გზაზე 11 კმ-მდე გზის რეაბილიტაცია მიმდინარეობს.

პროექტი 2 მონაკვეთად არის დაყოფილი.

ამ დროისთვის კიუვეტების განახლების სამუშაოები მიმდინარეობს.

გზის კეთილმოწობას დიდი მნიშვნელობა აქვს ტურისტული ინფრასტრუქტურის განვითარების თვალსაზრისით.

დეპარტამენტის ცნობით, სარეაბილიტაციო მონაკვეთი ძლიერ დაზიანებული იყო, არსებული ასფალტ-ბეტონის საფარი ფრაგმენტულად იყო შემორჩენილი, ხოლო გზის დანარჩენი ნაწილი - ხრეშოვანი.

პროექტის შესაბამისად მოეწყობა ასფალტ-ბეტონის საფარი, ხელოვნური ნაგებობები, ადგილობრივ გზებთან მიერთებები და საგზაო ნიშნები.

სამუშაოები სახელმწიფო ბიუჯეტიდან ფინანსდება და მისი ჯამური ღირებულება 7.3 მილიონი ლარია.