სამართლიანად ჩატარდა თუ არა არჩევნები
გონიოს ტერიტორიაზე იშვიათი სახეობის მონეტები აღმოაჩინეს
5-07-2019
გონიო-აფსაროსის ციხის ტერიტორიაზე ქართულ-პოლონური საერთაშორისო არქეოლოგიური ექსპედიცია განახლდა. ინფორმაციას "აჭარის ტელევიზია" ავრცელებს.
სამუშაოები მეოთხე დღეა მიმდინარეობს და სპეციალისტებმა სხვადასხვა სახის კერამიკული ნაკეთობები აღმოაჩინეს. ნაპოვნია ასევე მინისა და ლითონის ნაკეთობანი, ასევე ვერცხლის 7 და 2 ბრინჯაოს მონეტაც, სპეციალისტების განმარტებით, მათგან ერთ-ერთი სეპტიმუს სევერუსის სახელით 210 წელსაა მოჭრილი და იშვიათ აღმოჩენათა ნომინალს მიეკუთვნება.
არქეოლოგიური სამუშაოები ერთდროულად 4 უბანზე მიმდინარეობს. გათხრებში მონაწილეობენ ბათუმის შოთა რუსთაველის სახელწიფო უნივერსიტეტის და ბათუმის ხელოვნების სასწავლო უნივერსიტეტის სტუდენტები.
პარალელურად მიმდინარეობს არქეოლოგიური უბნების საკონსერვაციო სამუშაოები, დასრულდა ციხის ორი კოშკის რესტავრაცია.
