დღეს სვეტიცხოვლობა აღინიშნება

13-07-2019

მართლმადიდებელი ეკლესია დღეს სვეტიცხოვლობას აღნიშავს.

13 ივლისს აღინიშნება 12 მოციქულის ხსენების დღე. და რადგან, სვეტიცხოვლის წმინდა ტაძარი 12 მოციქულის სახელზეა აგებული, 13 ივლისის დღესასწაული სვეტიცხოვლობადაც იწოდება. 

13 ივლისს მისი უწმინდესობა და უნეტარესობა სრულიად საქართველოს კათოლიკოს-პატრიარქი ილია II მღვდელმთავრებთან და სამღვდელოებასთან ერთად საღმრთო ლიტურღიას აღავლენს სვეტიცხოვლის ტაძარში. 

"წირვა დაიწყება 10:00 საათზე. ყველა მსურველს საშვის გარეშე შეეძლება გადაადგილება და დღესასწაულში მონაწილეობის მიღება. 

სვეტიცხოვლის მიმართულებით უფასო ავტობუსები გავა საქართველოს საპატრიარქოს მიმდებარე ტერიტორიიდან დილით, 08:30სთ-ზე" - აღნიშნულია საქართველოს საპატრიარქოს განცხადებაში.