სამართლიანად ჩატარდა თუ არა არჩევნები
ილია მეორე: ჩვენ თუ ვიქნებით მახარობლები, სხვებიც სიხარულს მოგვიტანენ
13-07-2019
დღეს სვეტიცხოვლობის დღესასწაულთან დაკავშირებით, სრულიად საქართველოს კათოლიკოს-პატრიარქმა, ილია II-მ მღვდელმთავრებთან და სამღვდელოებასთან ერთად საღმრთო ლიტურგია აღავლინა სვეტიცხოვლის ტაძარში.
"მე მინდა მოგცეთ ლოცვა-კურთხევა მთელ საქართველოს, რომ ყოველი ჩვენგანი იყოს სიხარულის მაუწყებელი. ცუდი სიტყვა კი არ მიაგოს ადამიანს, არამედ სასიხარულო ამბავი უთხრას. ასე რომ ეს არის ლოცვა კურთხევა თქვენთვის.
ყველას კიდევ ერთხელ გილოცავთ სვეტიცხოვლობას. არ დაგავიწყდეთ ეს დავალება, ეს დავალება მოგიტანთ თქვენ დიდ სიხარულს.
ჩვენ თუ ვიქნებით მახარობლები, სხვებიც სიხარულს მოგვიტანენ" - თქვა ილია მეორემ.
სადღესასწაულო წირვას ესწრებოდნენ წმინდა ნინოს გზაზე მსვლელობაში მონაწილეები, რომელთაც პატრიარქისგან საპატიო სიგელები გადაეცათ.
წირვას ასევე დაესწრო საქართველოს პრეზიდენტი, სალომე ზურაბიშვილი.
