სამართლიანად ჩატარდა თუ არა არჩევნები
გორის მერია დათვისთვის 142 კვ.მ ფართის გალიას აშენებს
15-07-2019
გორის მერია 142 კვ.მ ფართის ახალი ვოლიერს აშენებს. ამის შესახებ განცხადებას მერიის ადმინისტრაციის სამსახურის წარმომადგენელი ავრცელებს.
ცხოველთა დამცველები ცხვარიჭამიის თავშესაფარში დათვის გადაყვანას ითხოვენ. მერიის ადმინისტრაციიდან ცხოველთა დამცველებს განუცხადეს, რომ დათვს ვერსად ვერავინ წაიყვანს.
ცნობისათვის, გორის მერიის ბიუჯეტიდან რამდენიმე ათასი ლარი ჩამოწერილი თევზის, ქათმისა და მეორადი ვაშლის შესასყიდად თანხა იხარჯება. მერიის პრეს-სამსახურის ცნობით, ამჟამინდელი ვოლიერის ფართობი 20 კვ.მ შეადგენს.
მათ, ვისაც სურს, რომ გორში დატყვევებული დათვი გათავისუფლდეს და დათვების თავშესაფარში, ცხვარიჭამიაში გადაიყვანონ, ცხელ ხაზის ნომერზე ,,153"-ზე უნდა დარეკოს. ამის შესახებ ინფორმაციას დათვების თავშესაფრის ხელმძღვანელი სოსო ჯიქურაშვილი ავრცელებს.
მისი თქმით, რაც უფრო მეტი ზარი შევა, დათვსაც მალე ეშველება.
,,გორში "მეგობრობის პარკში" მძიმე მდგომარეობაში დატყვევებულ დათვს თქვენი დახმარება სჭირდება. გთხოვთ, არ დაიზაროთ და დარეკოთ გარემოს დაცვის სამინისტროს ცხელ ხაზზე - 153. ზარი უფასოა. მოითხოვეთ გორში დატყვევებული დათვის თავშესაფარში გადაყვანა." - მიმართავს სოსო ჯიქურაშვილი საზოგადოებას.
გორის დათვის მძიმე მდგომარეობის შესახებ ქარტლი.გე არაერთხელ წერდა. გაირკვა, რომ გორის მერიის ბიუჯეტიდან დიდი რაოდენობით თანხა დაძველებული პროდუქტებისა და ხილის გასასაღებლად იხარჯება.
სოსო ჯიქურაშვილმა ფაქტის შესახებ გარემოს დაცვის სამინისტროს რამდენჯერმე მიმართა. გარემოსდაცვითი ზედამხედველობის დეპარტამენტმა მერიას ორჯერ მიმართა კითხვით - თუ, რატომ იმყოფებოდა მძიმე მდგომარეობაში დათვი. მერიამ დეპარტამენტს ორჯერვე უპასუხა, რომ დათვის გათავისუფლებას არ აპირებს და, პირიქით, ვოლიერებს გააფართოებს.
