ბიძინა ივანიშვილი: 2016 წელს საქართველოში იმყოფებოდნენ რუსი დეპუტატები, 2016 წელს მოხდა ეს, მაშინ სად იყავით?

17-07-2019

გამორიცხულია, „ნაციონალური მოძრაობა“ არჩევნების გზით მოვიდეს ხელისუფლებაში, ამიტომ საბაბს ეძებდნენ, რომ სიტუაცია აეყირავებინათ, – ამის შესახებ ჟურნალისტებს პარტია „ქართული ოცნების“ თავმჯდომარე ბიძინა ივანიშვილმა განუცხადა.

„2016 წელს საქართველოში იმყოფებოდნენ რუსი დეპუტატები, სლუცკი, რომელიც გავრილოვზე გაცილებით მნიშვნელოვანი ფიგურაა და გვარს ვერ გავიხსენებ, „ფე-ეს-ბეს“ ყოფილი თავმჯდომარე, კავალიოვი? 2016 წელს მოხდა ეს, მაშინ სად იყავით? სად იყავით მაშინ? რა მნიშვნელობა აქვს, რასთან დაკავშირებით იყვნენ? სად იყავით მაშინ? ეს არის ის, რომ 2016 წელს კიდევ ჰქონდა თითქოს იმედი „ნაციონალურ მოძრაობას“ არჩევნებით რამეს გააწყობდა. ახლა დაკნინების პროცესი რომ მოხდა და გამორიცხულია, რომ არჩევნების პროცესით მოვიდნენ ხელისუფლებაში, ნებისმიერ საბაბს ეძებდნენ, რომ სიტუაცია აეყირავებინათ. ეს იყო. გეკითხებით, იცით, რომ 2016 წელს სლუცკი იყო საქართველოში? იყო „ფე-ეს-ბეს“ ყოფილი შეფი, როგორც დეპუტატი. სად იყავით მაშინ?“, – განაცხადა ბიძინა ივანიშვილმა.