სამართლიანად ჩატარდა თუ არა არჩევნები
გალის 400 - ზე მეტმა მცხოვრებმა აფხაზური გვარი დაიბრუნა
25-07-2019
ოკუპირებული გალის რაიონის 400-ზე მეტმა მცხოვრებმა ძველი აფხაზური გვარი დაუბრუნა.ოკუპირებული გალის რაიონის 400-ზე მეტმა მცხოვრებმა ძველი აფხაზური გვარი დაუბრუნა.
„სამურზაყანოელ აბხაზთა საბჭოს“ თავმჯდომარის მოადგილის ედიშერ ზუხბას თქმით, ამ მოქალაქეებს „ისტორიული სამართლიანობის აღდგენის საშუალება მიეცათ“.
როგორც აფხაზური მედია იუწყება, საბჭოს შექმნიდან 5 წლის განმავლობაში ორგანიზაციას 900 - მდე ადამიანმა თავიანთი ძველი აფხაზური გვარების დაბრუნების თხოვნით მიმართა. გარდა ამისა, გალის რაიონში დაგეგმილია სკოლა -ინტერნატის შექმნა, სადაც ბავშვებს აფხაზურ ენას და აფხაზეთის ისტორიას შეასწავლიან.
„გალის რაიონის მცხოვრებთა 95% „ეთნიკური ქართველები (მეგრელები) არიან, თუმცა, მათ კარგად იციან საკუთარი აფხაზური ფესვების შესახებ. მათ შორის არიან აფხაზური წარმოშობის ისეთი გვარები, როგორიცაა: აბუხბაია, აგირბაია, ადზინბაია, აკიშბაია, ანჩაბაძე, არშბაია, არგუნია, ბაგბაია, ბუტბაია, გვაძბაია, ზვანბაია, ზუხბაია, ინალიშვილი, ქეცბაია, კირთბაია, ყოლბაია, კვაცბაია, ქავშბაია, კაკუბავა, ლაკერბაია, ეზუგბაია, ეშბაია და ა.შ.", - წერს "აფხაზია ინფორმი".
საზოგადოებრივი ორგანიზაცია „სამურზაყანოელ აფხაზთა საბჭო“ 2014 წელს დაფუძნდა.
მურზაყანელ აფხაზთა ყრილობა 20 ივლისს გაიმართა და ის „გალის დაარსებიდან 87 წლის იუბილეს მიეძღვნა“.
