აქციის მონაწილე: პოლიტიკურ პერსონებს ოპოზიციიდან ვთხოვ, ნუ მოეკარებიან ჩვენს აქციებს

25-09-2019

ტყიბულში საპროტესტო აქციის ერთ-ერთი მონაწილის, გაგა ისაკაძის განცხადებით, აქციაზე ოპოზიციონერი პოლიტიკური პერსონების ყოფნა მათთვის მიუღებელია
„პოლიტიკურ პერსონებს ოპოზიციიდან ვთხოვ, ნუ მოეკარებიან ჩვენს აქციებს“ - განაცხადა გაგა ისაკაძემ.

ისაკაძე უარყოფს ინფორმაციას იმის შესახებ, თითქოს აქციები პოლიტიკურია.

„გაჟღერდა, რომ ეს აქციები არის პოლიტიკური. ეს აქციები არის აპოლიტიკური. აქ მონაწილეობას იღებენ მხოლოდ მეშახტეები, რომლებსაც მხარს ვუჭერთ პროფესიული კავშირების წარმომადგენლები, გაერთიანებული პროფკავშირები, ჩვენი დარგი“ - განაცხადა გაგა ისაკაძემ.