სამართლიანად ჩატარდა თუ არა არჩევნები
"საავიაციო ფაკულტეტის კურსდამთავრებული, სამეგრელო-ზემო სვანეთის პოლიციის უფროსად დაინიშნა"
2-10-2019
სამეგრელო-ზემო სვანეთის, სამხარეო პოლიციის უფროსად, ავთანდილ გალდავა დაინიშნა.
ინფორმაცია "ალიამ" შსს-ში გადაამოწმა და დადასტურდა.
შსს-ს ოფიციალურ გვერდზე წერია, რომ ავთანდილ გალდავამ - 1997-2002 წ.წ. დაამთავრა საქართველოს ტექნიკური უნივერსიტეტის საავიაციო ფაკულტეტი.
გამონაკლისი შსს-ს არც ეს კადრია, რა თქმა უნდა, როგორც აქამდე ხდებოდა, ავთანდილ გალდავაც სააკაშვილის რეჟიმის დროინდელი კადრია და 2008 წლიდან შსს-ს თანამშრომელია.
თუმცა, მისი კარიერული წინსვლა დაიწყო 2012 წელს, როცა მე-2 სამმართველოს 1-ლი სამსახურის გამომძებლიდან, ცენტრალური კრიმინალური პოლიციის ერთ-ერთი სამსახურის უფროსის მოადგილედ დაინიშნა.
2016 წლამდე, მისი სამსახურეობრივი მდებარეობა - დედაქალაქს არ გასცდენია, 2017 წელს, ვაკე-საბურთალოს სამმართველოს უფროსის თანამდებობიდან, გადაიყვანეს სამცხე-ჯავახეთის სამხარეო პოლიციის უფროსად.
აი, ასე მივიდა, ავთანდილ გალდავა სამეგრელო-ზემო სვანეთის სამხარეო პოლიციის უფროსობამდე.
წარმატებებს ვუსურვებთ და ასე ყველანი გავფრენილიყავით, საავიაციო ფაკულტეტის ლექციებიდან, სამხარეო პოლიციის უფროსობამდე, მინიმუმ, მინიმუმ!
