სამართლიანად ჩატარდა თუ არა არჩევნები
გია ვოლსკი: ახალგაზრდა ჟურნალისტისთვის შეურაცხმყოფელია, რომ ის ტყუილებს ემსახურება
3-10-2019
პარლამენტის თავმჯდომარის მოადგილემ, საპარლამენტო უმრავლესობის ლიდერმა, გია ვოლსკიმ მასზე და სხვა პირებთან დაკავშირებით „მთავარ არხსა“ და ტვ „პირველში“ გასულ, მისივე შეფასებით ცილისმწამებლურ სიუჟეტთან დაკავშირებით დღეს ჟურნალისტებთან კომენტარი გააკეთა და განაცხადა, რომ ის იმ ჟურნალისტების გამო წუხს, რომლებმაც მთელი ცხოვრება უნდა ატარონ ზონდერ ჟურნალისტის ბეჭედი.
„სიცრუის მთავარმა საამქრომ, „მთავარმა არხმა“ და მასზე აყოლილმა ტვ „პირველმა“ გამოაცხადეს რაღაც უზნეო, ტყუილებით აღსავსე სიუჟეტი კონკრეტულ ბიზნესმენზე, ჩემზე, ხელისუფლებაზე. ეს არავითარ შეშფოთებას არ იწვევს, იმიტომ, რომ ჩვეულებრივი ხელწერაა. ხაზგასმით მინდა აღვნიშნო, რომ მე პირადად განვიცდი იმ ახალგაზრდა ჟურნალისტების გამო, რომლებმაც ეს ბეჭედი - ზონდერ ჟურნალისტის უნდა ატარონ მთელი ცხოვრების მანძილზე და თავისი კარიერა უნდა დაუკავშირონ ამ სიცრუის არა მარტო ტირაჟირებას, არამედ კონკრეტული ადამიანის დევნას. პარლამენტის შენობაში ჟურნალისტი მაკა ჩიხლაძე დღეს, გუშინ დამდევს, ტყუილებს გაჰკივის და მერე ამისგან სიუჟეტს ამზადებს. ეს არის ზონდერ ჟურნალისტი ნამდვილად და მე ვფიქრობ, რომ ახალგაზრდა ადამიანისათვის შეურაცხმყოფელი სწორედ ის არის, რომ ამას ემსახურება“-განაცხადა გია ვოლსკიმ.
