სამართლიანად ჩატარდა თუ არა არჩევნები
"ბავშვები მოტყუებით ჩასვეს მანქანაში, ორი კაცი იყო"
6-10-2019
"რამდენიმე დღის წინ სოფელ განთიადიდან 2 ბავშვი გაიტაცეს – ამის შესახებ „TV 25”-ს ერთ-ერთმა პედაგოგმა აცნობა. მასწავლებებელი შემთხვევის დეტალებს იხსენებს და ამბობს, რომ 14 წლის გოგო და 10 წლის ბიჭი სკოლაში მიდიოდნენ, რა დროსაც ისინი სოფლის გზაზე უცნობმა პირებმა შეაჩერეს და საგანმანათლებლო დაწესებულებაში მანქანით მიყვანა შესთავაზეს.
„ბავშვები მოტყუებით ჩასვეს მანქანაში, ჩემი ინფორმაციით, ორი კაცი იყო, რომლებმაც მოზარდები სხვა მიმართულებით წაიყვანეს. მახინჯაურის ცენტრში ბავშვებმა იკითხეს თუ სად მიდიოდნენ, რაზეც პასუხი ვერ მიიღეს. მძღოლმა მოგვიანებით მანქანა ქობულეთის მიმართულებით წაიყავანა, ავტობანთან გაჩერდა რამდენიმე წუთით, რა დროსაც ბავშვებმა დრო იხელთეს და ძირს გადმოხტნენ და გაიქცნენ“ – გვიყვება პედაგოგი.
ფაქტის შესახებ პოლიციას მოზარდების ბაბუამ აცნობა. შინაგან საქმეთა სამინისტროში აცხადებენ, რომ შეტყობინების საფუძველზე საკითხი შეისწავლეს, თუმცა აღნიშნული ფაქტი არ დადასტურდა. სხვა დეტალებზე უწყებაში არ საუბრობენ. მომხდარის შესახებ ინფორმაცია არ ჰქონდათ აჭარის განათლების სამინისტროში. ფაქტი სკოლის ადმინისტრაციამ უწყებას არ შეატყობინა.
სამინისტროში განაცხადეს, რომ ამ თემაზე განმარტებას ხვალ გააკეთებენ."
cyc.ge
