7-10-2019
ანტისაოკუპაციო მოძრაობა, დღეს, დავით გარეჯის ტერიტორიაზე შეკრებისთვის ემზადება. საქმე ეხება, დავით გარეჯში აზერბაიჯანმა ახალი სასაზღვრო გამშვები პუნქტის გახსნას."ამ სამხედრო ბაზის შესახებ არაერთი განცხადება გვაქვს გაკეთებული, პერიოდულად ვიღებდით და ვაქვეყნებდით ფოტოებს, გვაქვს ასევე კადრებიც. მაშინ ვამბობდით, რომ მშენებლობის მასშტაბებიდან გამომდინარე, ეს ბაზა არ ჰგავს დროებითს, რასაც ჩვენი ხელისუფლება გვიმტკიცებდა. მართალია, ბაზა აზერბაიჯანის კონტროლირებად ტერიტორიაზეა, მაგრამ არსებობს საერთაშორისო სტანდარტი, რომ როცა დელიმიტაცის არ არის დასრულებული, სადაო ტერიტორიასთან ასეთი ბაზები არ უნდა განთავსდეს.. ეს ბაბა ახლოსაა აღდგომის ტაძართან და ზოგადად, რასაკვირველია, არავის ეშლება რუსეთი და აზერბაიჯანი ერთმანეთში, მაგრამ ჩვენი ანტიოკუპაციური მოძრაობის დევიზია "გააერთიანე საქართველო", ეს კი ნიშნავს, რომ ჩვენ ვიქნებით ყველგან, სადაც მიწების მიტაცების საფრთხე არსებობს და არანაირი მნიშვნელობა არა აქვს, ეს მიტაცება "მეგობრული" იქნება თუ "ოკუპანტური" - უთხრა "ნიუპოსტს" დავით ქაცარავამ. |