წყალტუბოში საახალწლოდ 130 100 ლარის პრემია გაიცა

15-01-2018

წინასაახალწლოდ წყალტუბოს მუნიციპალიტეტის მერიისა და საკრებულოს თანამშრომლებზე პრემიის სახით 130 100 ლარი გაიცა.

აქედან, 2017 წლის დეკემბერში  თანამდებობის პირებზე  გაცემულია  19 900 ლარის ოდენობით საახალწლო პრემია. ერთი თვის ხელფასის ოდენობის თანხა 12-მა თანამდებობის პირმა (საკრებულოს თავმჯდომარის მოადგილემ,  ფრაქციებისა და კომისიების თავმჯდომარეებმა და მერის მოადგილემ) მიიღო.

ჯამში 2017 წელს წყალტუბოს მუნიციპალიტეტში გაცემული პრემიების თანხა  150 515 ლარს შეადგენს.

მერიის ინფორმაციით, 20 415 ლარი წლის განმავლობაში ინდივიდუალურად, დამსახურებისა და ზეგანაკვეთური მუშაობის შესრულებისთვის  მუნიციპალიტეტის გამგეობასა  და საკრებულოში   დასაქმებულ 38 საჯარო მოხელეზე გაიცა.

წყარო: http://newpress.ge/wyaltuboshi-saaxalwlod-130-100-laris-premia-gaica