აჭარაში, მდინარე ჭოროხის შესართავთან მაშველები ადამიანს ეძებენ. საგანგებო სიტუაციების მართვის სამსახურის განცხადებით, სამძებრო სამუშაოები მოქალაქის შეტყობინების საფუძველზე დაიწყო, რომელმაც განაცხადა, რომ მდინარის ზედაპირზე მამაკაცის სხეული შენიშნა.
აჭარის ტელევიზიის ინფორმაციით, სამძებრო ოპერაცია გუშინ, 18:30 საათზე დაიწყო და დღეს დილით განახლდა. საგანგებო სიტუაციების მართვის სამსახურის წარმომადგენლის, მამუკა თურმანიძის განცხადებით, სამძებრო სამუშაოებში 5 ბრიგადაა ჩართული. ადგილზე მუშაობენ მყვინთავები.
reginfo.ge