პრესის მიმოხილვა
გამოკითხვა
სამართლიანად ჩატარდა თუ არა არჩევნები
ზეღდულეთში ოჯახი ძილის დროს გაქურდეს
4-11-2019
ზეღდულეთში ცერცვაძეების ოჯახი გაქურდეს, შემთხვევა გვიან ღამით მოხდა. წინასწარი ინფორმაციით წაღებულია ძვირფასეულობა და თანხა.
„არ მინდა ამ თემაზე საუბარი, სამსახურში ვარ“- გვითხრა ქეთევან ცერცვაძემ, რომელიც ბერშუეთის საჯარო სკოლის დირექტორის მოვალეობის შემსრულებელია.
Qartli.ge- ამ საკითხზე კითხვა სოფელში გორის მუნიციპალიტეტის მერის წარმომადგენელს დავით ცერცვაძეს დაუკავშირდა:
„ვიცი რომ გაქურდეს, ისიც ვიცი რომ სავარაუდო ეჭვმიტანილებიც დაკითხეს, თუმცა დაკავებული არავინ
არის. ზუსტად, რა წაიღეს, ეგ დეტალები არ ვიცი“-აცხადებს დავით ცერცვაძე.
სოფელში აცხადებენ, რომ ქურდობის დროს სახლში ოჯახის წევრები იმყოფებოდნენ. არსებობს მოსაზრება, რომ სახლში დამაძინებელი აირი გაუშვეს.
შს სამინისტრო განცხადებას მოგვიანებით გააკეთებს.
ინტერვიუ
