სამართლიანად ჩატარდა თუ არა არჩევნები
იმერეთის წარჩინებულ მოსწავლეებს პერსონალური კომპიუტერები გადასცეს
13-11-2017
იმერეთის რეგიონში წარჩინებული მოსწავლეების დაჯილდოება დასრულდა. დაჯილდოების ცერემონია ქუთაისის პირველ საჯარო სკოლაში გაიმართა. დაჯილდოვდა ქუთაისის, ვანის, სამტრედიის, წყალტუბოს, ხონის 273 მოსწავლე. აქედან, ყველა მათგანი ქუთაისის სხვადასხვა საჯარო სკოლის მოსწავლეა.
ქუთაისის მერმა შოთა მურღულიამ, ვიცეგუბერნატორმა იოსებ ხახალეიშვილმა, სსიპ საგანმანათლებლო და სამეცნიერო ინფრასტრუქტურის განვითარების სააგენტოს დირექტორმა ზვიად როსტომაშვილმა და მოადგილემ მამია მორალიშვილმა, საგანმანათლებლო რესურსცენტრების წარმომადგენლებთან ერთად, მოსწავლეებს პერსონალური კომპიუტერები გადასცეს.
პროგრამა ჩემი პირველი კომპიუტერი 2009 წლიდან წარმატებით ხორციელდება. მიზანს მოსწავლეთა მოტივაციის ამაღლება და ინფორმაციულ-საკომუნიკაციო ტექნოლოგიებზე დაფუძნებული სწავლა/სწავლების მეთოდების გაძლიერება წარმოადგენს. თანამედროვე ტექნოლოგიების ხელმისაწვდომობის გაზრდა, ნიჭიერ და შრომისმოყვარე მოზარდებს წარმატების მიღწევის კიდევ უფრო მეტ შესაძლებლობას მისცემს.
აღსანიშნავია, რომ წარჩინებული მოსწავლეების რაოდენობა ყოველწლიურად იზრდება. გასულ წელს საქართველოს მასშტაბით 2470 წარჩინებული მოსწავლე იყო, წელს კი 2557 მოსწავლეა.
წყარო: newpress
