„სამხრეთის კარიბჭის“ ინფორმაციით, ბაკალავრიატის სტუდენტები დღეიდან წერილობით ჩააბარებენ იმ გამოცდებს, რომლებიც ელექტრონული სახით უკვე ჩაბარებული ჰქონდათ.
„საგამოცდო ცენტრის თანამშრომლები შაბათ-კვირასაც მუშაობდნენ, მაგრამ ვერაფერი გადაარჩინეს. ამიტომ გამოცდების ახალი ცხრილი შევადგინეთ. მომავალი გამოცდებისთვის კი ის რაც ელექტრონულად ჩაბარდება, დაზღვევის მიზნით ე.წ. გარე მეხსიერებაზეც ჩაიწერება. მაქსიმალურად ვეცდებით, რომ მსგავსი ტექნიკური პრობლემა აღარ შეიქმნას“, – ციტირებს „სამხრეთის კარიბჭე“ სამცხე–ჯავახეთის სახელმწიფო უნივერსიტეტის რექტორის მოადგილის ნიკო ახალკაცის კომენტარს.
უნივერსიტეტში სერვერი 15 იანვარს, დღის მეორე ნახევარში გადაიწვა და 8 იანვრიდან 15 იანვრამდე ლექტრონული სახით ჩაბარებული გამოცდების შედეგები წაიშალა. გამოცდები ელექტრონულად მხოლოდ ბაკალავრიატის 1200–მდე სტუდენტს უნდა ჩაებარებინა.
