სამართლიანად ჩატარდა თუ არა არჩევნები
რუსთავის მეხუთე საჯარო სკოლის მოსწავლეს, რომელსაც მასწავლებლი კიბეებიდან დაგორებაში ადანაშაულებდა, ახლა ერთ-ერთი მოსწავლის მშობელი, ადევნებასა და თვალთვალში სდებს ბრალს
16-11-2019
რუსთავის, #5 საჯარო სკოლის, მე-6 კლასელ მოსწავლეს, რომელსაც მასწავლებლი კიბეებიდან დაგორებაში ადანაშაულებდა, ახლა ერთ-ერთი მოსწავლის მშობელი, ნინო მაჭარაშვილი, ადევნებასა და თვალთვალში სდებს ბრალს.
“ინფო რუსთავთან” საუბრისას ნინო მაჭარაშვილი აცხადებს, რომ დედა-შვილი, მას სისტემატურად უთვალთვალებს.
“დღეს დილით, საშინელი კაკუნი გავიგეთ, კინაღამ ჩამოღეს კარი. მარის მეგობრები, რომლებიც ამ სკოლაში სწავლობენ, შეშინებულები იყვნენ ამოსულები – დედა-შვილი ქვემოთ გელოდებიანო. რომ ვეკითხები აქ რა გინდა-მეთქი, მპასუხობს, რომ ნათესავს ველოდებიო. ყველაფერი მაქვს აბსოლიტურად, ვიდეო მასალა, დასქრინული მაქვს მესიჯები, თუ როგორ ინტერესდებოდა ბავშვი, გუშინ ჩემი ზუსტი მისამართით.”, – აცხადებს ნინო მაჭარაშვილი.
მშობლის თქმით, აღნიშნულთან დაკავშირებით პოლიციას უკვე მიმართა და შემაკავებელი ორდერის შედგენა მოითხოვა, რადგან მისი და მისი შვილის უფლებები ირღვევა.
“ინფო რუსთავი” მე-6 კლასელი გოგონას მშობელს რამდენჯერმე დაუკავშირდა, თუმცა მან ჩვენს სატელეფონო ზარს არ უპასუხა.
