გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მარტი 2024    »
 123
45678910
11121314151617
18192021222324
25262728293031

თელავის მერიასთან პოლიციაა მობილიზებული

22-11-2019

თელავის ადმინისტრაციულ შენობასთან, სადაც ქალაქის მერია და კახეთის გუბერნატორის ადმინისტრაციაა განთავსებული, ამ წუთებში პოლიციაა მობილიზებული.

„ევროპული საქართველოს“ ადგილობრივი ორგანიზაციის ხელმძღვანელს ლელა მენთეშაშვილს მხარდამჭერებთან ერთად შენობაში შესვლა და მაჟორიტარი დეპუტატების სამუშაო ოთახზე ბოქლომის დადება სურდათ, რისი საშუალებაც სამართალდამცველებმა არ მისცეს.

მენთეშაშვილის განცხადებით, ის იმდენი ხანი დარჩება ადგილზე, ვიდრე ბოქლომს არ დაადებს.

პოლიცია მედიის წარმომადგენლებს საჯარო დაწესებულებაში შესვლის უფლებას არ აძლევს. შენობაში გადაადგილების საშუალება მხოლოდ მოქალაქეების ნაწილს და ადმინისტრაციის თანამშრომლებს ეძლევათ.

მათი მთავარი მოთხოვნა კვლავ ვადამდელი საპარლამენტო არჩევნების პროპორციული სისტემით ჩატარება და მთავრობის გადადგომაა. გარდა ამისა, ისინი პარლამენტთან დაკავებულებისთვის პატიმრობის მისჯას აპროტესტებენ.

18 ნოემბერს სამართალდამცველებმა ადმინისტრაციული სამართალდარღვევის ფაქტზე სულ 37 ადამიანი დააკავეს. 18 ნოემბერს სპეცრაზმმა პარლამენტის შესასვლელებს ბოქლომები მოხსნა და ბარიკადებისგან გაათავისუფლა, ასევე რუსთაველის გამზირი კარვებისგან გაწმინდა. 

14 ნოემბერს პარლამენტმა პროპორციულ სისტემაზე გადასვლას მხარი არ დაუჭირა, რასაც პარლამენტს გარეთ პროტესტი, შენობაში კი ხმაური მოჰყვა. ამ გადაწაყვეტილების გამო უმრავლესობა რამდენიმე წევრმა დატოვა. 

გაერთიანებული ოპოზიციის მოთხოვნებია: „ვადამდელი პროპორციული არჩევნები, მთავრობის გადადგომა და სამოქალაქო საზოგადოებით დაკომპლექტებული ცესკო“.

imedinews.ge