სამართლიანად ჩატარდა თუ არა არჩევნები
სვანური გადმოცემა თამარ მეფის საფლავის შესახებ
26-01-2018
თამარის საფლავის ადგილმდებარეობის შესახებ არაერთი მოსაზრება არსებობს, თუმცა დანამდვილებით არავინ იცი სად არის დაკრძალული იგი.
პორტალი nsp.ge, 1917 წელს გამოცემულ „ქართულ გაზეთში“, თამარის საფლავთან დაკავშირებით ს. უშკულში მაცხოვრებელი სვანების გადმოცემას წააწყდა.
როგორც გაზეთში ვკითხულობთ, იქაურ ხალხს მტკიცედ სწამს, რომ დიდებული თამარ დედოფალი ს. უშკულის ღვთისმშობლის ეკლესიაშია დასაფლავებული:
„ს. უშკულში, რომელიც მდებარეობს ზემო სვანეთის თავსი და სადაც იწყება მდ. ენგური, სდგას ერთი უძველესი ეკლესია „ლამარია“ (ღვთისმშობელი), რომელიც დღესაც წმინდად არის დაცული თავისი ძვირფასი ხატჯვარით. ამ ეკლესიის აშენებას ხალხი თამარ მეფეს აკუთვნებს. იქაურ ხალხს მტკიცედ სწამს, რომ დიდებული „თამარ დედოფალი“ იქ არის დასაფლავებული და აღსდგება მაშინ, როცა ხალხს ძალიან გაუჭირდება“-წერს „ქართული გაზეთი“. (სტილი დაცულია)
