აქციის მონაწილეები ექიმ გაფრინდაშვილის დაუყოვნებლივ გათავისუფლებას ითხოვენ.
"რუსეთი არის ოკუპანტი, ყველანაირ საერთაშორისო ვალდებულებას აქცევს ზურგს. იტაცებს ადამიანებს, თანამედროვე სამყაროში ეს არ შეიძლება გაგრძელდეს", - აცხადებს აქციის მონაწილე.
ცნობისთვის, ჟენევაში საერთაშორისო მოლაპარაკებების 50-ე რაუნდი მიმდინარეობს.
9 ნოემბერს ექიმი ვაჟა გაფრინდაშვილი საოკუპაციო ძალების წარმომადგენლებმა ე.წ. საზღვრის უკანონო კვეთის ბრალდებით დააკავეს.
მას შემდეგ რაც ექიმმა, საკუთარ ქვეყანაში საზღვრის არსებობა არ აღიარა, მას ორთვიანი წინასწარი პატიმრობა შეუფარდეს.
ვაჟა გაფრინდაშვილი ამ დრომდე რჩება ცხინვალის იზოლატორში.
საქართველოში ამერიკის შეერთებული შტატების საელჩომ საოკუპაციო ძალებს მიმართა და მოუწოდა, რომ დაუყოვნებლივ გაათავისუფლონ უკანონოდ დაკავებული ექიმი.