გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მარტი 2024    »
 123
45678910
11121314151617
18192021222324
25262728293031

აზერბაიჯანელმა მესაზღვრეებმა დავით გარეჯთან ცეცხლი გახსნეს - დაჭრილია ქართველი მწყემსი

11-12-2019

აზერბაიჯანელმა მესაზღვრეებმა დავით გარეჯთან საზღვარზე ცეცხლი გახსნეს - დაჭრილია საქართველოს მოქალაქე, მწყემსი, რომელსაც მესაზღვრეებმა 3 ტყვია ესროლეს.


"მთავარის" ინფორმაციით, დაჭრილი თავად მესაზღვრეებმა განჯის საავადმყოფოში გადაიყვანეს და იქ მკურნალობას გადის. არსებობს ვერსია, რომ მესაზღვრეებმა ძაღლს ესროლეს და მწყემსი შემთხვევით დაიჭრა.
ფოტოგრაფი გოგიტა ბუხაიძე, რომელიც დავით გარეჯში იყო ჩასული მეგობრებთან ერთად ამბობს, რომ ფაქტის შესახებ მათ ლავრაში მამაოებმა უთხრეს.
"შემთხვევით ვიყავით ჩამოსულები და ლავრაში ჩემს მეგობრებს უთხრეს, რომ ასეთი ფაქტი მოხდა. არც უარყვიათ, რომ ეს მოხდა" - ამბობს მთავართან ბუხაიძე.
ლავრის მამაოები "მთავართან" ადასტურებენ, რომ მსგავსი ინფორმაცია მათაც მიიღეს, თუმცა დეტალებზე ვერ საუბრობენ.
"ჩვენც ასე გავიგეთ, რომ აზერბაიჯანელმა მესაზღვრეებმა ესროლეს ქართველ მწყემსსო. იმათ ტერიტორიაზე არ არის გადასული. შესაძლოა იქ ახლოში იმყოფებოდა, ყოველ შემთხვევაში გადასვლა არ გამიგია" - აცხადებს ლავრის მამაო. იგივე ინფორმაციას ფლობს არქიმანდრიტი კირიონი, რომელიც ამბობს, რომ მანაც გაიგო, რომ მესაზღვრეებმა მწყემსი დაჭრეს.
რა გახდა მომხდარის მიზეზი, ჯერჯერობით უცნობია.

newposts