ირინა გაფრინდაშვილის თქმით,საერთაშორისო ჩართულობის და დაპირების მიუხედავად სასურველი გადაწყვეტილება არ იქნა მიღებული.
"დღე 35! ძალიან სამწუხაროა, რომ მიუხედავად როგორც ადგილობრივი, ასევე საერთაშორისო ჩართულობისა, უამრავი დაპირებისა, ჩვენთვის სასურველი გადაწყვეტილება არ იქნა მიღებული. სასამართლო გადაიდო, როგორც გვაცნობეს ერთი კვირით.გადადების ძირითადი მიზეზი არის ის, რომ ვაჟა არ ცვლის ჩვენებას და არ აღიარებს ე.წ "საზღვარს" ვაჟა კვლავინდებურად რჩება ცხინვალის ტყვეობაში! ძალიან დიდი მადლობა ყველას გულშემატკივრობისთვის",- წერს ირინა გაფრინდაშვილი.
ცნობისთვის, ოკუპირებულ ცხინვალში უკანონოდ დაკავებული ექიმის ვაჟა გაფრინდაშვილის ე.წ. სასამართლო პროცესი დასრულდა. "რადიო თავისუფლების" ინფორმაციით,ცხინვალის რეჟიმის სასამართლომ ექიმი პატიმრობაში დატოვა. ვაჟა გაფრინდაშვილი 9 ნოემბერს ე.წ. საზღვრის უკანონო კვეთის ბრალდებით დააკავეს.მას შემდეგ რაც ექიმმა საკუთარ ქვეყანაში საზღვრების არსებობა არ აღიარა, მას ორთვიანი წინასწარი პატიმრობა შეუფარდეს.
