მას ქალა ტვინის მძიმე ტრავმა და სისხლჩაქცევები აქვს მიღებული.
ექიმების ინფორმაციით, პაციენტის მდგომარეობა კვლავ მძიმეა. მას თავისა და გულ-მკერდის არეში ნაკვეთი ჭრილობები აქვს მიყენებული.
"აღინიშნება პოლიტრავმა, ანუ მრავლობითი დაზიანებები. დაზიანებულია გულ-მკერდის მარცხენა ნახევარი, ამ მიდამოში აღინიშნება ნაჩხვლეტ-ნაკვეთი ჭრილობები, გულ-მკერდი ღრუში შემავალი ჭრილობები მარცხენა ფილტვის ზედა წილის დაზიანებით, და თავის, თხემის მიდამოში 4 ჭრილობა. მდგომარეობა სერიოზული და მძიმეა, პოლიტრავმა ეს უკვე მძიმე პათოლოგიაა," - აცხადებს ექიმი გიორგი გვახარია.
ვერაზე საქართველოს პირველი პრეზიდენტის შვილი ცოტნე გამსახურდია გუშინ საღამოს დაახლოებით 19:00 საათისთვის დაჭრეს.
ფაქტზე გამოძიება სისხლის სამართლის კოდექსის 19-108-ე მუხლით არის დაწყებული, რაც განზრახ მკვლელობის მცდელობას გულისხმობს.
