სამართლიანად ჩატარდა თუ არა არჩევნები
თავისუფლებისმოყვარე ცოლ-ქმრის ორიგინალური გაფიცვა მე-19 საუკუნის იმერეთში
31-01-2018
გაზეთი „ისარი“, ქვემო იმერეთის ერთ სოფელში მცხოვრები ცოლ-ქმრის ორიგინალურ გაფიცვას, ახირებულს უწოდებს, რადგან თურმე ისინი ერთმანეთთან და-ძმანივით ცხოვრობენ და შვილის გაჩენას მანამ არ აპირებენ, სანამ არ დარწმუნდებიან, რომ მათი პირმშო აუცილებლად თავისუფალ საზოგადოებაში იცხოვრებს.
„ქვემო იმერეთის ერთ მიყრუებულ სოფელში ცხოვრობს არა-ჩვეულებრივი ცოლ-ქმარი. ეს ცოლ-ქმარი მთელის თავის კერძო ცხოვრებით არსებულ წეს-წყობილებასა და კანონმდებლობას არა ცხარე წინააღმდეგობით, არა ძალ-მომრეობით, არამედ სრულებით ახალ, თავისებურ და ახირებულ საშუალებით უცხადებენ პროტესტს. ურთიერთთან შეთანხმებით ისინი და-ძმასავით სცხოვრობენ და შვილებს არ აჩენენ, რადგან არა სურთ არსებულ წესწყობილებას ახალი მორჩილი ქვეშევრდომები შესძინონ“-წერს გაზეთი „ისარი“. (სტილი დაცულია)
