სამართლიანად ჩატარდა თუ არა არჩევნები
უგულავა კალაძეს: დღის ბოლომდე წარადგინე ჩემი ხელმოწერილი განცხადება, სადაც წერია რომ 50 მლნ მოვიპარე
3-02-2020
“ბატონო კახი ხართ უწიგნური და მატყუარა! ცდილობთ ხალხი სიცრუეში შეიყვანოთ”-“ევროპული საქართველო – მოძრაობა თავისუფლებისთვის” გენერალური მდივანი გიგი უგულავა თბილისის მერს მიმართავს და სთხოვს, რომ ბრალის აღიარების დოკუმენტი, რომელზეც მერი საუბრობს, დღის ბოლომდე წარადგინოს.
” თუ გინდათ ტოებით და ბიჭოებით მოგმართავთ, ან მის გარეშე რომ დღის ბოლომდე წარადგინით ჩემს მიერ ხელმოწერილი, განცხადება თუ ბრალის აღიარება რომ მე 50-მილიონი მოვიპარე. თუ ამას არ იზამთ, დღის ბოლოსთვის იქნებით ის, ვინც თქვენ ჰომოგენურად ყველაზე მეტად გესმით… მატყუარას ჟარგონულად რაც ჰქვია, თქვენივე წრეში კარგად მოიკითხეთ,”- განაცხადა გიგი უგულავამ.
ცნობისთვის, დღეს, დედაქალაქის მერმა, კახა კალაძემ განაცხადა: “რა პოლიტიკურ დევნაზეა საუბარი?! 50 მილიონი მოიპარა და ამაზე ხელი მოაწერა”
