სამართლიანად ჩატარდა თუ არა არჩევნები
ნიკოლოზ მეტრეველი: ნაცების სისტემური დანაშაულის მხილება და საქმეების ბოლომდე მიყვანა სწორედ შოთაძეს უკავშირდება და სულაც არ მიკვირს, რომ მის დაბრუნებას გაფართოებული თვალებით უყურებენ
4-02-2020
„ნაცების სისტემური დანაშაულის მხილება და საქმეების ბოლომდე მიყვანა სწორედ შოთაძეს უკავშირდება და სულაც არ მიკვირს, რომ მის დაბრუნებას გაფართოებული თვალებით უყურებენ“, - ამის შესახებ ექსპერტი ნიკოლოზ მეტრეველი სოციალურ ქსელში წერს.
„მოკლედ ირაკლი შოთაძის დღევანდელ გასაუბრებაზე:
თუ ოპონენტების მთავარი ხელჩასაჭიდი მის გასაკრიტიკებლად არის ის ფაქტი, რომ მან ბიძინა ივანიშვილთან საგანმანათლებლო პროექტზე ისაუბრა და ამ ფაქტს კიდევ რამდენიმე ბიზნესმენიც შეესწრო, ნიშნავს იმას, რომ ძალიან ძლიერი პიროვნება და სუფთა ადამიანია. ზოგადად, ნაცების სისტემური დანაშაულის მხილება და საქმეების ბოლომდე მიყვანა სწორედ შოთაძეს უკავშირდება და სულაც არ მიკვირს, რომ მის დაბრუნებას გაფართოებული თვალებით უყურებენ. დანარჩენს კი დრო გვიჩვენებს, ყველაზე მეტად მისი დღევანდელი გასაუბრებიდან ერთი ფრაზა დამამახსოვრდა - მან თქვა, რომ სამართლიანობის აღდგენის პროცესი ბოლომდე არის მისაყვანიო. ამას ელოდება საზოგადოება შოთაძისგან და იმედია, ეს იმედები არ იქნება ფუჭი“, - წერს ნიკოლოზ მეტრეველი.
