მისი თქმით, სალომე სამადაშვილის განცხადებები იმდენად აბსურდულია, რომ არ შეიძლება მას სერიოზულად უპასუხო.
"დიახ, არავინ გვიცნობს მე და ირაკლი კობახიძეს, არც საქართველოს შესახებ სმენიათ რამე და ევროპარლამენტის შენობაში მას შემდეგ შეგვიშვეს, რაც ვთქვით, რომ ვიყავით სამადაშვილის ქვეყნიდან,"- განაცხადა კახა კალაძემ მედიის მიერ დასმულ კითხვაზე კომენტირებისას.
გუშინ სალომე სამადაშვილმა სოციალურ ქსელში დაწერა, რომ ირაკლი კობახიძე და კახა კალაძე ევროპარლამენტის შენობაში "ლანდებივით" დადიან, მათ არავინ იცნობთ.
"რთულია, სევდა არ შემოგაწვეს ევროპარლამენტში, როდესაც გახსენდება , რომ უპრეცედენტოთ, გამონაკლისის სახით, ორჯერ მოიწვიეს პრეზიდენტი სააკაშვილი აქ პლენარულ სხდომაზე გამოსასვლელად, ისტორიული მნიშვნელობის სიტყვით გამოვიდა. მთელი პარლამენტი საქართველოზე, მის მხარდაჭერაზე საუბრობდა. ეხლა კალაძე და კობახიძე დადიან ლანდებივით, არავინ იცნობს, არავის გაუგია, სიმწრით რამდენიმე შეხვედრა დანიშნეს და იქაც რაღაც სისულელეებს ელაპარაკებიან ხალხს, წვრილმანი თაღლითები. რას დაემსგავსა ჩვენი სახელმწიფო და ჩვენი ქვეყანა", - წერს სოციალურ ქსელში სალომე სამადაშვილი.
