გია ვოლსკის თქმით, "ნაციონალური მოძრაობისა" და "ევროპული საქართველოს" წევრებმა ბევრი ადამიანი გააუბედურეს, დღეს კი ისე იქცევიან, თითქოს დემოკრატიის ერთადერთი მაძებრები არიან.
"ადამიანები არიან იმ პოლიტიკურ ძალაში, რომელმაც ძალიან დიდი რაოდენობით ადამიანი გააუბედურა და დღეს ისე იქცევიან, გეგონება დემოკრატიის ერთადერთი მაძებარები არიან, თანაც ევროპის ეგიდით. ეს არის სირცხვილი", - განაცხადა გია ვოლსკიმ.
პარლამენტში, კომიტეტის სხდომის დაწყებამდე, სადაც ირაკლი შოთაძეს უსმენენ, "ევროპული საქართველოს" წევრები თინა ბოკუჩავა და ელენე ხოშტარია ბიძინა ივანიშვილის გამოსახულებიანი ნიღბებით მივიდნენ და შოთაძეს ბიძინა ივანიშვილის მონა უწოდეს.
პარლამენტის იურიდიულ საკითხთა კომიტეტის სხდომაზე დღეს გენერალური პროკურორობის კანდიდატს, ირაკლი შოთაძეს მოუსმენენ, შემდეგ კი მის კანდიდატურას კენჭს სესიაზე უყრიან.
