სამართლიანად ჩატარდა თუ არა არჩევნები
სარფის საბაჟო შესაძლოა თურქულმა მხარემ ჩაკეტოს
27-02-2020
"სარფის საბაჟო შესაძლოა თურქულმა მხარემ ჩაკეტოს", - ამის შესახებ თურქეთიდან საქართველოში შემოსულმა რამდენიმე ადამიანმა განაცხადა. მათივე თქმით, საქართველოში კორონავირუსის დაფიქსირების გამო თურქეთში პანიკაა. ამბობენ, რომ საეჭვო მგზავრებს ორივე ქვეყნის მედიკოსები ამოწმებენ.
"თურქეთიდან მოვიდვარ, სადაც თქვეს, რომ ორი კვირით საზღვარი უნდა ჩაიკეტოს. პანიკაა. ამბობენ, რომ თბილისში კორონავირუსია გავრცელებული, ირანიდან შემოიტანა მოქალაქემო", - განაცხადა ნარგიზ შანიძემ.
საქართველოში კორონავირუსის პირველი შემთხვევა დადასტურდა. ჯანდაცვის მინისტრის, ეკატერინე ტიკარაძის თქმით, დაავადებული საქართველოს მოქალაქეა, რომელიც გუშინ აზერბაიჯანის გავლით ირანიდან შემოვიდა. პაციენტი ინფექციურ საავადმყოფოშია გადაყვანილი და მის სიცოცხლეს საფრთხე არ ემუქრება.
