სამართლიანად ჩატარდა თუ არა არჩევნები
რუსლან აბაშიძე USAID-ის საქართველოს მისიის დირექტორს შეხვდა
28-02-2020
აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე ამერიკის შეერთებული შტატების საერთაშორისო განვითარების სააგენტოს (USAID) საქართველოს მისიის დირექტორს პიტერ უიბლერს შეხვდა.
მთავრობის თავმჯდომარემ სააგენტოს წარმომადგენლებს აფხაზეთის ავტონომიური რესპუბლიკის მთავრობის საქმიანობა გააცნო და მიმდინარე სტრუქტურულ რეორგანიზაციაზე ისაუბრა.
შეხვედრის მონაწილეებმა USAID-ის მიერ საქართველოში აფხაზეთიდან დევნილი მოსახლეობის მხარდასაჭერად განხორციელებულ პროექტებზე ისაუბრეს. მხარეებმა სამომავლო თანამშრომლობის პერსპექტივები განიხილეს.
შეხვედრას საქართველოში USAID-ის წარმომადგენელი ადამ შმიდტი, აფხაზეთის ავტონომიური რესპუბლიკის ფინანსთა და დარგობრივი ეკონომიკის მინისტრი ივანე დოლიძე და აფხაზეთის ავტონომიური რესპუბლიკის მთავრობის აპარატის საერთაშორისო ურთიერთობათა, ანალიტიკისა და პროტოკოლის დეპარტამენტის უფროსი დავით გახარია ესწრებოდნენ.
