"რადგან ჩინეთს გარეთ ეპიდ სიტუაცია უარესდება და განსაკუთრებული ინტენსივობით იზრდება შემთხვევები, ჩვენი პირველი რჩევა საქართველოს მოსახლეობისთვის არის ის, რომ მაქსიმალურად შევამციროთ საერთაშორისო მოგზაურობები, თუ ამის განსაკუთრებულად აუცილებელი შემთხვევა არ არის, რადგან დასნებოვნების შემთხვევა ბევრ ქვეყანაშია შესაძლებელი,"- აცხადებს ამირან გამყრელიძე.
ამასთან, ამირან გამყრელიძე იმ მოქალაქეებს მიმართავს, რომლებიც მაღალ დასენიანებული ქვეყნებიდან ბრუნდებიან, მიუხედავად იმისა, აქვთ თუ არა მათ სიმპტომები, თვითიზოლაციაში იყვნენ.
"სურდო, ხველება, ტემპერატურის მატება, სუნთქვის გაძნელების შემთხვევაში აუცილებელია პირდაპირი ტრანსპორტირება ინფექციურ საავადმყოფოში.
თუ ეს სიმპტომები არ გავქთ, განსაკუთრებით იტალიიდან დაბრუნებულებმა, გამოიჩინეთ მაღალი სამოქალაქო პასუხისმგებლობა და 14 დღის განმავლობაში მიმართეთ თვითიზოლაციას. ეს გულისხმობს იმას, რომ უნდა იყოთ იზოლირებულ ფართში და თავად უნდა მოემსახუროთ თავს. ამით ხელს შეუწყობთ თქვენი და თქვენი ოჯახის წევრების ჯანმრთელობას, რომ არ იყოთ ინფიცირების წყარო.
თუ თვითიზოლირების საშუალება არ გაქვთ, აუცილებელია, საკარანტინო სივცრეში მოთავსდეთ, სადაც შესაბამისი მომსახურება გექნებათ.
ამ 14 დღის განმავლობაში თუ გაგივითარდებათ სიმპტომები - ტემპერატურის მატება, ხველა, დაუყოვნებლივ მიმართეთ ექიმს, ინფექციურ საავადმყოფოს ან დარეკეთ სამინისტროს ცხელ ხაზზე 15-05."- ამბობს ამირან გამყრელიძე.
შეგახსენებთ, რომ საქართველოში კორონავირუსის 9 დადასტურებული შემთხვევაა დაფიქსირებული.
