10-03-2020
“ამ მომენტისთვის საქართველოს პარლამენტის წევრს ან თანამშრომელს, ჩემი ინფორმაციით, არ აქვს დადასტურებული დიაგნოზი, შესაბამისად არავინ არის ინფიცირებული. ჩვენ მივიღეთ პროფილაქტიკური ზომები, მუშავდება ზედაპირები და ვასრულებთ იმ რეკომენდაციებს, რომელიც ჩვენი ჯანდაცვის სამსახურებს ჰქონდა. თუ მომავალში ვინმე იქნება რისკ-ჯგუფში ან ვინმეს დაუდასტურდება ინფექცია, რა თქმა უნდა, შესაბამისი წესებით ვიმოქმედებთ,” – განაცხადა არჩილ თალაკვაძემ.
შეგახსენებთ: გუშინ გავრცელდა ინფორმაცია პარლამენტის წევრის ოთარ დანელიას შესაძლო დაინფიცირების შესახებ, დეპუტატმა მოგვიანებით სოციალურ ქსელში თავად დაწერა, რომ კორონავირუსი არ დაუდასტურდა, თუმცა 19 მარტამდე თვითიზოლაციაში რჩება.