15 წლის გოგონამ, რომელსაც მთვრალი მძღოლი დაეჯახა, ცალ თვალში მხედველობა დაკარგა

7-02-2018

15 წლის გოგონამ, რომელსაც ხონში ორი დღის წინ არაფხიზელ მდგომარეობაში მყოფი პირი დაეჯახა, ცალ თვალში მხედველობა დაკარგა.

გარდა ამისა, მოზარდს მრავლობითი მოტეხილობები აღენიშნება. მძიმე მდგომარეობაში მყოფი გოგონა ქუთაისში კლინიკურ საავამდყოფოში მოათავსეს. 

თვითმხილველების თქმით, გოგონა დედასთან ერთად ავტომობილით სახლში მიდიოდა. შუქნიშანზე მდგომ დედა-შვილის ავტომობილს დიდი სიჩქარით მოძრავი სამხედრო პიკაპი დაეჯახა.

ამ ინფორმაციას შინაგან საქმეთა სამინისტროში არ ადასტურებენ. შსს-ში აცხადებენ, რომ არც ავტომანქანა და არც პირი სამხედრო არ იყო.  

მომხდართან დაკავშირებით გამოძიება  სისხლის სამართლის კოდექსის 276-ე მუხლის მეორე ნაწილით მიმდინარეობს.

ჟურნალი "სარკე"