სამართლიანად ჩატარდა თუ არა არჩევნები
ევროკავშირმა გორის მერია 164 კონკურსანტს შორის შეარჩია
8-02-2018
ევროკავშირის გრანტის მოსაპოვებლად განაცხადების რაოდენობა 164-ს აღწევდა. აქედან, საბოლოო ეტაპი გორის, ბოლნისისა და თბილისის მერების მიერ წარდგენილმა პროექტებმა გადალახეს. ამის შესახებ შიდა ქართლის საინფორმაციო ცენტრს ევროკავშირის წარმომადგენლებმა განუცხადეს.
დღეს, გორის მერიაში გრანტის მოპოვების თაობაზე საზეიმო შეხვედრა ევროკავშირის, ევროკომისიისა და მსოფლიო ბანკის წარმომადგენლებთან გაიმართა.
გორის მერმა კონსტანტინე თავზარაშვილმა დელეგაციის წევრებს ლომჭაბუკის მიმდებარე ტერიტორია დაათვალიერებინა, სადაც მიღებული გრანტით ტურისტული ინფრასტრუქტურის განვითარება იგეგმება. გარდა ამისა, სტუმრებმა სტრატეგიული მნიშვნელობის ობიექტებიც მოინახულეს და საკონსერვო ქარხანა „კულას“ საამქროში პროდუქციის წარმოების პროცეს დაესწრნენ.
ევროკავშირის ახალი ინიციატივის „მერები ეკონომიკური ზრდისთვის“ ლიდერის პიტერ კორსბის განცხადებით, პროექტის განხორციელება ხელს შეუწყობს მუნიციპალიტეტში ტურიზმის განვითარებასა და თანხების შემოდინებას, რაც აისახება ეკონომიკური ზრდაზე.
