გამოკითხვა
სამართლიანად ჩატარდა თუ არა არჩევნები

სხვა გამოკითხვები

არქივი

«    მარტი 2024    »
 123
45678910
11121314151617
18192021222324
25262728293031

მთავრობის ადმინისტრაციაში უწყებათაშორისი საკოორდინაციო საბჭოს ჯანდაცვის თემატური ჯგუფის შეხვედრა გაიმართა

18-03-2020

საქართველოს პრემიერ-მინისტრ გიორგი გახარიას ხელმძღვანელობით, კორონავირუსთან დაკავშირებით მოქმედი უწყებათაშორისი საკოორდინაციო საბჭოს ჯანდაცვის თემატური ჯგუფის შეხვედრა გაიმართა.

უწყებათაშორისი საკოორდინაციო საბჭო, მეტი ეფექტურობის მიზნით, დაიყო ჯანდაცვის, ეკონომიკურ და სამართალდაცვით თემატურ ჯგუფებად და პრემიერ-მინისტრის ხელმძღვანელობით რეგულარულად შეიკრიბება.

ჯანდაცვის თემატური ჯგუფის შეხვედრაზე მთავრობის მეთაურმა მოისმინა ინფორმაცია საქართველოში კორონავირუსით ინფიცირებული პაციენტების ჯანმრთელობის მდგომარეობის, ასევე კლინიკების მზადყოფნისა და დამატებით მოძიებული სიმძლავრეების შესახებ. სხდომაზე აღინიშნა, რომ დღეის მდგომარეობით ინფიცირებულია 38 ადამიანი. უმეტესობა მათგანის ჯანმრთელობა დამაკმაყოფილებელია. ყველა პაციენტის მდგომარეობა სტაბილურია და მათ შესაბამისი მკურნალობა უტარდებათ.

საკოორდინაციო საბჭოს მიეწოდა ინფორმაცია, რომ ამ ეტაპზე კარანტინში იმყოფება 1261 ადამიანი, ხოლო სტაციონარში, მეთვალყურეობის ქვეშ - 216 პირი.

პრემიერ-მინისტრმა ასევე მიიღო ინფორმაცია საქართველოს მასშტაბით კლინიკების მდგომარეობის, ქვეყანაში სწრაფი ტესტების არსებული რაოდენობის და დამატებით შემოტანის შესახებ.

საბჭოს სხდომაში ჯანდაცვის მინისტრი, დაავადებათა კონტროლის ეროვნული ცენტრის ხელმძღვანელის მოადგილე, ჯანდაცვის სისტემის წარმომადგენლები და თბილისის მერი მონაწილეობდნენ.