საქალაქთაშორისო ტრანსპორტით გადაადგილება იკრძალება

23-03-2020

საქართველოში საქალაქთაშორისო ტრანსპორტი იზღუდება. აღნიშნული გადაწყვეტილება კორონავირუსთან დაკავშრებით შექმნილმა საკოორდინაციო საბჭომ მიიღო.

როგორც საბჭოს სხდომის დასრულების შემდეგ საქართველოს პრემიერ-მინისტრის მრჩეველმა, პრესსპიკერმა ირაკლი ჩიქოვანმა განაცხადა, ქვეყანა გადავიდა შიდა გავრცელების ეტაპზე, რაც მოითხოვს აღნიშნული პროცესის მაქსიმალურ შეჩერებას.

„ჩვენ მაქსიმალურად უნდა შევეცადოთ, შევაჩეროთ შიდა გადაცემის სისწრაფე, ამიტომაც ვზღუდავთ ყველა სახის საქალაქთაშორისო ტრანსპორტს, მათ შორის მატარებლით მგზავრების გადაყვანას“, - განაცხადა ირაკლი ჩიქოვანმა.

მისი თქმით, ეს შეზღუდვა დღეს, დღის ბოლოს, 24:00 საათზე ამოქმედდება.